ABŞ-ın İran müharibəsində milyardlıq itkiləri üzə çıxır
Bu gün, 13:00. Yazar: vasif
Yaxın Şərqdə davam edən qarşıdurma fonunda ABŞ-ın hərbi itkiləri ilə bağlı diqqətçəkən rəqəmlər açıqlanıb. Xarici mənbələrə görə, Vaşinqton İranla müharibədə təxminən 2,3–2,8 milyard dollar dəyərində hərbi texnika itirib.
Məlumata əsasən, itkilər yalnız bir hadisə ilə məhdudlaşmır. İranın raket və pilotsuz aparat hücumları nəticəsində Səudiyyə Ərəbistanındakı ABŞ bazalarına zərbə endirilib, yüz milyonlarla dollar dəyərində hərbi avadanlıq sıradan çıxıb və hərbçilər yaralanıb.
Bundan əlavə, bəzi hallarda “dost atəşi” nəticəsində də itkilər qeydə alınıb. Küveytdə baş verən insidentdə bir neçə F-15 qırıcı təyyarəsinin səhvən vurulduğu bildirilir. Ən ciddi zərbələrdən biri isə THAAD hava hücumundan müdafiə sistemlərinin radiolokasiya qurğularının məhv edilməsi ilə bağlıdır.
Ekspertlər qeyd edir ki, bu rəqəmlər hələ tam mənzərəni əks etdirmir. Peyk görüntülərinə çıxışın məhdudlaşdırılması səbəbindən real itkilərin daha yüksək olması ehtimal edilir. Bu isə ABŞ-ın regiondakı hərbi əməliyyatlarının həm maliyyə, həm də strateji baxımdan ciddi nəticələr doğurduğunu göstərir.
Geri dön