Ağ Evin diqqəti dəyişir: Ukrayna arxa plana keçir, İran ön plana çıxır
Bu gün, 13:00. Yazar: vasif
ABŞ xarici siyasətində prioritetlərin dəyişdiyi bildirilir və bu dəyişiklik Ukrayna məsələsinin Vaşinqton gündəmində geri plana keçməsi ilə müşahidə olunur.
“Politico” nəşrinin yüksək vəzifəli mənbələrə istinadla yaydığı məlumata görə, hazırda ABŞ administrasiyası üçün əsas fokus İranla bağlı məsələlərdir. Bu səbəbdən Ukrayna ilə bağlı əvvəlki intensiv siyasi koordinasiya zəifləyib.
Məlumata əsasən, prezidentin xüsusi nümayəndələri Stiv Uitkoff və Cared Kuşnerin fəaliyyətinin böyük hissəsi də İran istiqamətinə yönəlib. Ukrayna ilə bağlı müəyyən diplomatik təmaslar davam etsə də, əvvəlki dinamika müşahidə olunmur.
Eyni zamanda iddia edilir ki, ABŞ prezidentinin NATO ilə Ukrayna məsələsində əməkdaşlığa marağı azalıb. Buna səbəb kimi Avropa ölkələrinin Yaxın Şərqdə mümkün hərbi addımlara dəstək verməməsi göstərilir.
Bu vəziyyət Ukrayna üçün əlavə risklər yaradır. Çünki Vaşinqtonun diqqətinin Yaxın Şərqə yönəlməsi Kiyevin həm hərbi, həm də siyasi dəstək baxımından daha çətin vəziyyətə düşə biləcəyi ehtimalını artırır.
Beynəlxalq analitiklər hazırkı geosiyasi dəyişikliklərin Ukrayna cəbhəsindəki proseslərə və gələcək danışıqlara necə təsir edəcəyini diqqətlə izləyirlər.
Geri dön