Qazaxda Akademik Zərifə xanım Əliyevanın anadan olmasının 103- cü ildönümünə həsr olunmuş tədbir keçirilib
Bu gün, 18:25. Yazar: azer
“Şəhərsalma və Memarlıq İli” çərçivəsində 28 aprel 2026-cı il tarixdə Qazax Rayon İcra Hakimiyyəti, YAP Qazax Rayon Təşkilatı və Qazax Rayon Mərkəzi Xəstəxanası publik hüquqi şəxsin birgə təşkilatçılığı ilə Akademik Zərifə xanım Əliyevanın anadan olmasının 103- cü ildönümünə həsr olunmuş “İki Dahi İnsan ömrü”mövzusunda tədbir keçirilib.
aia.az xəbər verir ki, tədbir Qazax Rayon Mərkəzi Xəstəxanası publik hüquqi şəxsin binası qarşısındakı şəhid həkim Adil Əfəndiyevin xatirə bulağının ziyarəti ilə başlanıb.
İlk öncə Ulu Öndər Heydər Əliyevin, Akademik Zərifə Əliyevanın həyat və fəaliyyətinə həsr edilmiş kitab, jurnallardan ibarət sərgiyə baxış keçirilib.
Sonra Ümummilli Lider Heydər Əliyevin, Akademik Zərifə Əliyevanın və ölkəmizin ərazi bütövlüyü uğrunda canlarını fəda etmiş şəhidlərin əziz xatirəsi bir dəqiqəlik sükutla yad edilib. Azərbaycan Respublikasının Dövlət Himni səsləndirilib.
Akademik Zərifə Əliyevanın həyat və fəaliyyətini əks etdirən film nümayiş olunub.
Tədbirdə Qazax Rayon İcra Hakimiyyətinin başçısı Rəcəb Babaşov, YAP Qazax rayon təşkilatının sədri Anar Nəbiyev, Qazax Rayon Mərkəzi Xəstəxanası publik hüquqi şəxsin direktoru Afiq Fərruxov çıxış edərək bildiriblər ki, Akademik Zərifə Əliyeva müdrik xalqımızın yaddaşında əbədi qalan, daim böyük hörmət və ehtiramla anılan görkəmli şəxsiyyətlərdəndir. Qeyd olunub ki, o, həyatını insanlara xidmətə, elmi axtarışlara və oftalmologiya sahəsinin inkişafına həsr edib, yüksək insani keyfiyyətləri ilə seçilib. Onun həm də qayğıkeş ana və vəfalı ömür-gün yoldaşı kimi Ulu Öndər Heydər Əliyevə daim mənəvi dəstək, dayaq olduğu vurğulanıb.
Tədbirdə partiya veteranı, təqaüddə olan həkim Sevda Məmmədova, partiya fəallarından Raqiya İsmayılova, Cahanə Xasməmmədova, Cavahir Əhmədova, Nəzrin Əliyeva çıxış edərək Akademik Zərifə Əliyevanın həyatı, elmi və tibbi fəaliyyəti barədə fikirlərini bölüşüblər.
Sonda partiya veteranı şair Cavanşir Rüstəm tərəfindən həkimlərə həsr olunmuş şeirlər səsləndirilib.
Geri dön