Kim Çen İn-dən sərt göstəriş - əsir düşməkdənsə ölüm?
Bu gün, 19:00. Yazar: vasif
Şimali Koreya lideri Kim Jong Un Rusiyanın Ukraynaya qarşı müharibəsi fonunda əsgərlərlə bağlı son dərəcə sərt mövqeyi ilə diqqət çəkib. Məlumata görə, o, döyüş meydanında əsir düşməmək üçün intihar etməyi təşviq edən siyasəti açıq şəkildə təsdiqləyib.
Bu açıqlama Pxenyanda Ukraynada həlak olmuş Şimali Koreya vətəndaşlarının xatirəsinə həsr olunan tədbir zamanı səsləndirilib. Çıxışı zamanı Kim Çen İn iki dəfə “özünü partladan” əsgərlərdən bəhs edərək bu cür davranışı qəhrəmanlıq kimi təqdim edib.
Ekspertlər hesab edir ki, bu yanaşma ölkənin sərt hərbi doktrinasının və ideoloji nəzarət mexanizmlərinin bir hissəsidir. Bu cür çağırışlar həm əsgərlər üzərində psixoloji təzyiqi artırır, həm də döyüş meydanında geri çəkilmə və ya əsir düşmə ehtimalını minimuma endirməyə yönəlib.
Bununla yanaşı, beynəlxalq hüquq və humanitar normalar baxımından belə mövqelər ciddi mübahisə doğurur və insan həyatına yanaşma ilə bağlı kəskin tənqidlərə səbəb olur.
Geri dön