Böyrək daşına səbəb ola bilən qidalar: risk nədən yaranır?
Bu gün, 19:00. Yazar: vasif
Mütəxəssislər bildirirlər ki, böyrək daşlarının formalaşmasında gündəlik qidalanma mühüm rol oynayır. Xüsusilə bəzi məhsulların həddindən artıq qəbulu orqanizmdə oksalat və duz balansını pozaraq daş yaranma riskini artırır.
Ən çox rast gəlinən böyrək daşları kalsium oksalat kristallarından əmələ gəlir. Oksalatın orqanizmdə artması bu kristalların yığılmasına və zamanla daşlaşmasına səbəb olur.
Risk yaradan əsas qidalar arasında duzlu məhsullar, həddindən artıq heyvan mənşəli zülallar və oksalatla zəngin qidalar qeyd olunur. Bu kateqoriyaya tünd şokolad, bəzi yarpaqlı göyərtilər, çuğundur, moruq, qoz-fındıq və qarabaşaq kimi məhsullar daxildir.
Bununla yanaşı, mütəxəssislər vurğulayır ki, bu qidalar tamamilə rasiondan çıxarılmamalıdır. Əsas məsələ balansdır və yalnız oksalat səviyyəsi yüksək olan şəxslərdə onların miqdarı məhdudlaşdırılmalıdır.
Həkimlər sağlam böyrək üçün daha çox bitki mənşəli qidalanma, duzun azaldılması və kalsium balansının qorunmasını tövsiyə edirlər.
Geri dön