“Qafqaz Albaniyası irsinin taleyi – 44 gündən sonra üzə çıxan dağıntılar və mədəni vandalizm faktları”
Bu gün, 16:00. Yazar: vasif
İşğaldan azad edilən Azərbaycan ərazilərində aparılan baxışlar Ermənistanın uzun illər ərzində mədəni və dini irsə qarşı sistemli şəkildə həyata keçirdiyi dağıntı və təhrif siyasətini bir daha gündəmə gətirib. Məlum olur ki, yüzlərlə tarixi abidə ya tamamilə məhv edilib, ya da mənşəyindən uzaqlaşdırılaraq saxtalaşdırılıb.
Ağdam, Füzuli, Zəngilan, Kəlbəcər və Cəbrayıl kimi rayonlarda qəbiristanlıqların dağıdılması, məzarların təhqir olunması və dini obyektlərin yararsız vəziyyətə salınması ciddi narahatlıq doğurur. Məscidlərin təhqiredici məqsədlərlə istifadə olunması isə beynəlxalq hüquq baxımından da ağır pozuntu kimi qiymətləndirilir.
Eyni zamanda İrəvan və ətraf bölgələrdəki Azərbaycan tarixi abidələrinin ya məhv edildiyi, ya da kimliyinin dəyişdirildiyi bildirilir. Göy məscid istisna olmaqla, bir çox dini və mədəni irs nümunələrinin orijinal vəziyyətini itirdiyi qeyd olunur.
Xüsusi diqqət çəkən məqam isə Qafqaz Albaniyasına aid tarixi dini abidələrin “erməniləşdirilməsi” iddialarıdır. Xudavəng, Amaras, Qandzasar kimi məbədlərdə aparılan dəyişikliklər irsin mənşəyinin gizlədilməsi kimi qiymətləndirilir.
Rəsmilər bildirir ki, bu faktlar təkcə müharibə nəticəsi deyil, uzunmüddətli və məqsədli mədəni təmizləmə siyasətinin göstəricisidir. Deputat Vüqar İskəndərov da qeyd edir ki, 44 günlük müharibədən sonra ortaya çıxan real mənzərə bu dağıntıların miqyasını açıq şəkildə göstərib və beynəlxalq ictimaiyyətin daha obyektiv mövqe sərgiləməsi vacibdir.
Geri dön