İran–ABŞ dialoqu yenə dalana dirəndi – Tehran Vaşinqtonu etibarsızlıqda ittiham edir
Bu gün, 20:00. Yazar: vasif
İran Xarici İşlər Nazirliyinin sözçüsü İsmayıl Baqai ABŞ-ı danışıqlarda qeyri-sabit və etibarsız mövqe sərgiləməkdə ittiham edib. Tehranın açıqlamasına görə, Vaşinqtonun dəyişkən yanaşması diplomatik prosesləri çətinləşdirir.
Baqai bildirib ki, İran öhdəliklərinə sadiqdir və verdiyi sözlərdən geri çəkilmir, lakin ABŞ tərəfi eyni ardıcıllığı nümayiş etdirmir. Bu isə iki ölkə arasında dialoqun effektivliyinə ciddi şübhələr yaradır.
Rəsmi Tehran hazırda danışıqlara qayıdışla bağlı konkret qərarın olmadığını da vurğulayıb. Ekspertlər isə bu bəyanatları İran–ABŞ münasibətlərində gərginliyin yenidən artması və diplomatik kanalların zəifləməsi kimi qiymətləndirirlər.
Geri dön