Hörmüz boğazında diqqətçəkən hərəkətlilik – Pakistan tankeri keçid etdi
Bu gün, 13:45. Yazar: vasif
Hörmüz boğazında gərginlik fonunda beynəlxalq dəniz ticarətində diqqətçəkən hadisə baş verib. “MarineTraffic” izləmə sisteminin məlumatına görə, Pakistan bayrağı altında üzən “Shalamar” tankeri yükü ilə birlikdə boğazı keçərək Oman körfəzinə daxil olub.
Məlumata əsasən, tanker Birləşmiş Ərəb Əmirliklərində təxminən 450 min barel xam neft yüklədikdən sonra hərəkətini davam etdirib. Bu keçidin ABŞ hərbi dəniz qüvvələrinin bölgədə artan fəaliyyəti fonunda baş verməsi diqqət çəkib.
Analitiklər hadisəni bölgədə mümkün dəniz blokadası və təhlükəsizlik riskləri ilə bağlı müzakirələrin fonunda qiymətləndirirlər. Pakistanın regionda diplomatik balans siyasəti və vasitəçi rolu da bu keçidin mümkün səbəbləri sırasında göstərilir.
Bununla belə, Hörmüz boğazında vəziyyətin hələ də həssas olduğu, hərbi gərginliyin isə tam aradan qalxmadığı bildirilir.
Geri dön