ABŞ səfirindən Türkiyə–F-35 və S-400 açıqlaması: “gərginlik yumşalır” siqnalı
Bu gün, 11:30. Yazar: vasif
ABŞ-ın Türkiyədəki səfiri Tom Barrak Vaşinqton–Ankara xəttində uzun müddətdir müzakirə olunan F-35 proqramı və S-400 böhranı ilə bağlı diqqətçəkən bəyanatlar verib.
O bildirib ki, Türkiyənin NATO daxilindəki strateji rolu və güclü hərbi potensialı nəzərə alınaraq, tərəflər arasında mövcud gərginliklərin mərhələli şəkildə aradan qaldırılması mümkündür. Səfirin sözlərinə görə, S-400 və F-35 məsələləri yaxın gələcəkdə həll yoluna düşə bilər.
Tom Barrak həmçinin qeyd edib ki, Türkiyəyə qarşı tətbiq edilən sanksiyalar gözlənilən nəticəni verməyib və tərəflər dialoq vasitəsilə yeni mərhələyə keçməyə çalışır. Onun fikrincə, ABŞ və Türkiyə arasında müdafiə və təhlükəsizlik sahəsində əməkdaşlığın bərpası gündəmdədir.
Səfir əlavə edib ki, NATO daxilində bəzi ölkələrin müxtəlif Rusiya və Qərb sistemlərindən eyni vaxtda istifadə etməsi də müzakirələrdə əsas arqumentlərdən biridir. Bu isə S-400 probleminin diplomatik yolla həll olunacağı ehtimalını gücləndirir.
Geri dön