Danimarka ciddi müharibə hazırlıqları görür
19-03-2026, 22:21. Yazar: sevinc1
Danimarka yayımçısı DR, Danimarka və Avropadakı mənbələrə əsaslanan bir reportajda, Trampın adanı ələ keçirmək "təhdidlərinin" artdığı bir dövrdə Qrenlandiyaya göndərilən Danimarka əsgərlərinin müharibə hazırlıqlarını təsvir etdi.
Danimarka əsgərlərinin yanvar ayında Qrenlandiyaya gəldiyini göstərən hesabatda, ABŞ-ın mümkün hərbi müdaxiləsi halında döyüş təyyarələrinin enişinin qarşısını almaq üçün paytaxt Nuuk və digər yerlərdə partlayıcı maddələrin saxlanıldığı bildirilir.
Hesabatda mümkün müharibə halında yaralı əsgərlər üçün qan bankının yaradıldığı və əsgərlərin yanvar ayında baş verə biləcək hücumla bağlı narahatlıqlar səbəbindən uzun müddət yuxusuzluqdan əziyyət çəkdiyi vurğulanır.
Hesabatda yanvar ayında Qrenlandiyadakı gərginliyin ciddi bir səviyyəyə çatdığı qeyd olunur və Danimarka və Avropanın müttəfiqini müdafiə etmək məsələsinə ciddi yanaşdığı bildirilir.
Hesabatda həmçinin Trampın Qrenlandiyaya təzyiqinin bitməyəcəyi qeyd olunur.
Hesabatda istinad edilən bir fransız rəsmisi Avropanın Qrenlandiyadakı təhlükəsizliyin vacibliyindən xəbərdar olduğunu və Danimarkanın gərginliyin artmasının qarşısını almaq üçün çalışdığını bildirib.
Bir alman rəsmisi də bildirib ki, "Əgər ABŞ NATO əsgərlərinin də olduğu bir mühitdə Qrenlandiyaya hücum etsəydi, inandığımız hər şeyin üzərinə böyük bir sual işarəsi qoymalı olardıq".
Tramp dəfələrlə Qrenlandiyaya "milli təhlükəsizlik" səbəblərindən ehtiyac duyduqlarını bildirib, Danimarkanın muxtar bölgəsi olan Qrenlandiya isə bu açıqlamalara mənfi reaksiya verib.
aia.az
Tərcümə şöbəsi
Geri dön