Novruzəli Aslanov vətəndaşları “online” rejimində qəbul edib
5-03-2026, 11:12. Yazar: azer
Milli Məclisin deputatı Novruzəli Aslanov 05 mart 2026-cı il tarixində İsmayıllıdan olan seçicilərlə “online” rejimində görüşüb.
aia.az xəbər verir ki, video-formatda qəbulun keçirilməsi üçün texniki cəhətdən keyfiyyətli bağlantının yaradılması məqsədilə millət vəkilinin Bakı və İsmayıllı ofislərində müvafiq avadanlıqlar quraşdırılıb. Vətəndaşlarla canlı ünsiyyət qurmaq üçün işgüzar şərait yaradılıb.
Qəbul zamanı İsmayıllı sakinlərini narahat edən bir sıra sosial yönümlü məsələlər və şəxsi müraciətlər deputatın diqqətinə çatdırılıb. Novruzəli Aslanov vətəndaşlar tərəfindən qaldırılan sosial yönümlü məsələləri və şəxsi müraciətləri qeydə alıb və onların həlli məqsədilə müvafiq addımların atılacağını bildirib.
Deputat Novruzəli Aslanovun “online” rejimində keçirdiyi qəbulda iştirak edən İsmayıllı şəhər sakinləri və rayon ictimaiyyətinin nümayəndələri cənab Prezident İlham Əliyevə və Birinci vitse-prezident Mehriban xanım Əliyevaya İsmayıllı rayonuna göstərilən diqqət və qayğıya görə minnətdarlıqlarını bildiriblər.
Qeyd edək ki, millət vəkilinin bu günə planlaşdırılmış İsmayıllıya səfəri Qızıl Aypara Cəmiyyətinin Lənkəran Regional Mərkəzində keçiriləcək yerli bölmələrlə operativ müşavirə səbəbindən təxirə salınıb. Belə ki, N.Aslanov İsmayıllı sakinləri ilə keçirdiyi “online” görüş başa çatdıqdan dərhal sonra operativ müşavirədə iştirak etmək üçün Lənkərana yola düşüb.
Geri dön