İsrailin Livana son hücumları nəticəsində ölənlərin sayı 72-yə çatıb
4-03-2026, 22:35. Yazar: sevinc1
Livan Səhiyyə Nazirliyinin açıqlamasına görə, İsrailin ölkəyə son hücumları nəticəsində ölənlərin sayı 72-yə çatıb, 437 nəfər yaralanıb.
İsrail İrana qarşı hücumlarını davam etdirdikcə, Livana qarşı quru və hava əməliyyatlarında ölənlərin sayı artmaqda davam edir. Livan Səhiyyə Nazirliyi ölkə daxilində hücumlarda ölənlərin sayının 72-yə çatdığını, 437 nəfərin yaralandığını açıqladı. Livanın Baş naziri Nəvaf Salam da mətbuat konfransında İsrailin bazar ertəsi günü cənubi Livanda başlatdığı hücumlardan sonra məcburi köçkünlərə müraciət etdi. Salam dedi: "Söz verirəm ki, bu dağıdıcı müharibəyə son qoymaq, məcburi köçkün vətəndaşlarımızın evlərinə qayıtmasını təmin etmək və Livanı və onun xalqını qorumaq üçün hər cür səy göstərəcəyik". Məcburi köçkünlərə birbaşa müraciət edən Salam dedi: "Siz tək deyilsiniz. Bütün Livan sizin evinizdir. Evlərini tərk etməyə məcbur olanlar baş verənlərə görə məsuliyyət daşımırlar; onlar nəzarətlərindən kənar siyasətlərin qurbanlarıdırlar".
aia.az
Tərcümə şöbəsi
Geri dön