Medvedev: Əgər Tramp bu siyasətini davam etdirsə, Üçüncü Dünya Müharibəsi başlayacaq
2-03-2026, 21:07. Yazar: sevinc1
Rusiya Təhlükəsizlik Şurasının sədr müavini Dmitri Medvedev ABŞ və İsrailin başlatdığı hücum səbəbindən İranın nüvə silahı inkişafını sürətləndirəcəyini bildirib və əlavə edib ki, "Əgər ABŞ prezidenti Donald Tramp dəli və cinayətkar siyasətini davam etdirərsə, şübhəsiz ki, (Üçüncü Dünya Müharibəsi) başlayacaq".
Medvedev ABŞ və İsrailin İrana hücumları ilə bağlı Rusiyanın TASS xəbər agentliyinə açıqlamalar verib.
ABŞ-ın İrana hücum etməklə amerikalıları təhlükəyə atdığını vurğulayan Medvedev bildirib ki, "İndi İranın nüvə silahı hazırlamaq səylərini ikiqat artıracağına şübhə yoxdur".
O, əlavə edib ki, hər hansı kiçik hadisə Üçüncü Dünya Müharibəsinə səbəb ola bilər və "Əgər Tramp dəli və cinayətkar siyasətini davam etdirərsə, şübhəsiz ki, başlayacaq" şərhini verib.
Medvedev Avropa Birliyinin İrana münasibətdə "ABŞ-ın vassalı" kimi davrandığını bildirib və deyib: "Bu, ABŞ və müttəfiqləri tərəfindən qlobal dominantlıqlarını qorumaq üçün aparılan müharibədir. Donuzlar öz yem novlarından ayrılmaq istəmirlər".
Medvedev ABŞ-ın Rusiyadan qorxduğunu qiymətləndirib və nüvə münaqişəsinin təhlükəsinin məlum olduğunu və Rusiyanın buna zəmanət verdiyini qeyd edib.
aia.az
Tərcümə şöbəsi
Geri dön