Makron Luvr Muzeyinə yeni rəhbər təyin edib
Bu gün, 16:41. Yazar: sevinc1
Fransa prezidenti Emmanuel Makron dünyaca məşhur Luvr Muzeyinə yeni direktor təyin edib. Muzey soyğunçuluq, işçi tətilləri və su sızmaları səbəbindən son zamanlar xəbərlərdə yer alır.
Milli medianın verdiyi məlumata görə, hökumət sözçüsü Maud Bregeon Prezident Makronun Kristof Leribonun Parisdəki Luvr Muzeyinin yeni direktoru təyin etdiyini açıqladı.
Son aylarda soyğunçuluq, işçi tətilləri və su sızmaları səbəbindən xəbərlərdə yer alan və Parisdə hər gün minlərlə insanın ziyarət etdiyi Luvr Muzeyinin direktoru Lorens des Kars dünən vəzifəsindən istefa verdi.
Lorens des Karsın istefası ilə bağlı Yelisey Sarayının açıqlamasında muzeyi daha təhlükəsiz və daha müasir etmək üçün yeni bir təşəbbüsə ehtiyac olduğu bildirilirdi.
Təxminən 35.000 artefaktı özündə saxlayan dünyaca məşhur Luvr Muzeyi 19 oktyabr 2025-ci ildə qarət edildi. Dörd nəfər tərəfindən həyata keçirilən soyğunçuluq cəmi yeddi dəqiqə davam etdi və dünya miqyasında xəbər başlıqlarına çıxdı. Səkkiz tarixi dəyərli zinət əşyaları oğurlandı.
Luvr Muzeyindən tarixi artefaktı oğurlayan cinayətkarlar soyğunçuluqdan təxminən iki həftə sonra bir-bir tutulsalar da, artefaktlar heç vaxt tapılmadı.
aia.az
Tərcümə şöbəsi
Geri dön