ABŞ Konqresinin bəzi üzvləri Epşteynin sənədlərinin senzurasız versiyalarını nəzərdən keçirməyə hazırlaşırlar
9-02-2026, 19:03. Yazar: sevinc1
ABŞ-da Konqresin bəzi üzvləri yetkinlik yaşına çatmayan qızları hədəf alan fahişəlik şəbəkəsi idarə etdiyinə görə mühakimə olunarkən həbsxanada vəfat edən milyarder Ceffri Epşteynlə bağlı Ədliyyə Nazirliyində senzurasız sənədləri nəzərdən keçirməyə hazırlaşırlar.Dövlət Departamentinin Konqres üzvlərinin 9 fevraldan başlayaraq Epşteyn istintaqının bir hissəsi olaraq açıqlanan 3 milyondan çox sənədin senzurasız versiyalarına çıxış əldə edə biləcəyi barədə açıqlamasından sonra Respublikaçı konqresmen Tomas Massi və Demokrat konqresmen Ro Xanna ABŞ-da yerləşən X şirkətinin sosial media hesablarında məsələ ilə bağlı paylaşımlar ediblər.
Respublikaçı konqresmen Massie bu gün senzurasız Epşteynin sənədlərini nəzərdən keçirmək üçün Dövlət Departamentinə gedəcəyini söylədi və izləyicilərindən hansı sənədləri araşdırmalı olduğunu soruşdu.
Demokrat üzv Xanna həmçinin bildirib ki, o və Massi senzurasız sənədləri nəzərdən keçirmək üçün Ədliyyə Nazirliyinə gedəcəklər.
Xanna deyib: "Epşteyn sinfi ədalət mühakiməsinə cəlb olunana qədər dayanmayacağıq".
ABŞ Ədliyyə Nazirliyindən Konqres üzvlərinə göndərilən məktubda üzvlərin 9 fevraldan etibarən sənədlərin senzurasız versiyalarına çıxışı olacağı və 24 saat əvvəldən nazirliyə məlumat verməli olduqları bildirilirdi.
Məktubda Konqres üzvlərinin sənədləri yalnız nazirlikdə kompüterlərdə nəzərdən keçirə biləcəyi, qeydlər aparmağa icazə veriləcəyi, lakin elektron nüsxələr yaratmağa icazə verilməyəcəyi bildirilirdi.
18 yaşından kiçik onlarla qıza cinsi istismar etməkdə və fahişəlik şəbəkəsi idarə etməkdə ittiham olunan Epşteyn 10 avqust 2019-cu ildə Nyu-York Manhetten Metropolitan Mərkəzi Həbsxanasındakı kamerasında ölü tapılıb.
Açıqlanan Epşteyn işi sənədlərinə Şahzadə Endryu, ABŞ prezidenti Donald Tramp, ABŞ-ın keçmiş prezidenti Bill Klinton, İsrailin keçmiş baş naziri Ehud Barak, ABŞ-ın keçmiş vitse-prezidenti Al Qor, aktyor Kevin Speysi, müğənni Maykl Cekson, illüzionist Devid Kopperfild, vəkil Alan Derşovitz və Nyu Meksiko ştatının keçmiş qubernatoru Bill Riçardson kimi məşhur adlar daxil olub.
ABŞ Federal Təhqiqat Bürosu (FTB) ABŞ Ədliyyə Nazirliyi ilə apardığı araşdırmadan sonra məşhur adların yer aldığı "müştəri siyahısı"na dair heç bir dəlil tapmadıqlarını açıqladı və hökumət rəsmiləri, məşhurlar və iş adamları ilə əlaqəli cinayətlərdə iştirak etdiyi üçün ört-basdır məqsədilə öldürüldüyü iddia edilən Epşteynin əslində kamerasında intihar etdiyi qənaətinə gəldi.
aia.az
Tərcümə şöbəsi
Geri dön