Makron Putinlə dialoqu yenidən başlatmağa hazırlaşdıqlarını bildirib
Bu gün, 18:29. Yazar: sevinc1
Fransa prezidenti Emmanuel Makron Rusiya-Ukrayna müharibəsinə son qoymağa və birbaşa danışıqlar üçün Rusiya prezidenti Vladimir Putinlə dialoqu bərpa etməyə hazırlaşdıqlarını bildirib. Makron danışıqlar apardığı Haute-Saone əyalətində mətbuatın suallarını cavablandırıb.
Rusiya-Ukrayna münaqişəsini qiymətləndirərkən Makron Rusiyanın Ukraynaya qarşı son hücumlarının "qəbuledilməz" olduğunu və ölkənin hələ də sülhə nail olmaq üçün "istəksiz" olduğunu bildirdi. Buna görə də Makron Ukraynada "yaxın günlərdə və ya həftələrdə" sülhün əldə edilə biləcəyinə inanmadığını söylədi.
ABŞ-ın Ukraynada sülhə nail olmaq üçün Kiyev və Moskva arasında danışıqları və vasitəçilik səylərini davam etdirdiyinə işarə edən Makron dedi: "Avropalıların (Rusiya ilə) öz ünsiyyət kanallarını qurması əslində vacibdir". Bu kontekstdə Makron Putinlə dialoqu bərpa etməyə "hazır olduqlarını" qeyd etdi.
19 dekabr 2025-ci ildə keçirilən Avropa Birliyi (AB) Liderlər Zirvəsində Makron Rusiya-Ukrayna münaqişəsinə son qoymaq üçün davam edən danışıqları qiymətləndirdi və dedi: "Düşünürəm ki, Putinlə yenidən görüşmək lazım olacaq".
Kremlin sözçüsü Dmitri Peskov da Putinin Makronla görüşməyə açıq olduğunu bildirərək dedi: "(İllik mətbuat konfransında) Putin də Makronla dialoqa hazır olduğunu bildirdi. Buna görə də, qarşılıqlı siyasi iradə olarsa, bu, yalnız müsbət hesab edilə bilər".
aia.az
Tərcümə şöbəsi
Geri dön