NATO Rusiya və Çin arasında Arktikada artan əməkdaşlıqdan narahatdır
Bu gün, 19:49. Yazar: sevinc1
Müttəfiq Qüvvələrinin Avropadakı Ali Komandanı (SACEUR) general Aleksus Qrinkeviç bildirib ki, Alyans Arktikada Rusiya və Çin arasında əməkdaşlığın artmasından narahatdır.
General Qrinkeviç və NATO Hərbi Komitəsinin sədri admiral Cüzeppe Kavo Dragone Qərargah Rəisləri Görüşündən sonra mətbuata açıqlamalar veriblər.
Qrinkeviç Rusiya və Çin arasında Arktika bölgəsində artan əməkdaşlığın Alyans üçün narahatlıq mənbəyi olduğunu bildirərək, son bir neçə ildə iki ölkənin həm dəniz, həm də hava məkanında birgə patrul fəaliyyətlərini gücləndirdiyini qeyd etdi.
O, xüsusilə uzun mənzilli bombardmançı təyyarələrin birgə missiyalar həyata keçirdiyini qeyd etdi və əlavə etdi ki, NATO bölgədəki mövqeyini gücləndirmək və müvafiq cavablar vermək üçün çalışır.
Qərargah Rəisləri Görüşünə rəhbərlik edən Cuzeppe Kavo Dragone də iki günlük görüş zamanı Alyansın birliyini müşahidə etdiyini vurğuladı.
Baş katib Mark Rutte ilə ABŞ prezidenti Donald Tramp arasında Qrenlandiya ilə bağlı əldə edilən çərçivə razılaşmasına gəldikdə, Dragone dedi: "Hələ çox erkən mərhələdəyik. Əlbəttə ki, bilirik ki, Qrenlandiya, Danimarka və bizim aramızda bir çərçivə yaradılıb, amma hələ də rəhbərlik gözləyirik və sonra işimizi başlayacağıq".
Dragone, qarşıdakı aylarda Arktikada bir neçə təlimin planlaşdırıldığını bildirib və əlavə edib ki, "Əgər bizə başqa bir müşahidə fəaliyyəti aparmaq tapşırılsa, Alyans bütün tələbləri yerinə yetirmək üçün burada kifayət qədər imkanlar ayırıb".
Dünən gecə ABŞ prezidenti Tramp NATO-nun baş katibi Rutte ilə Qrenlandiya ilə bağlı "çərçivə sazişi" yaratdıqlarını və bunun bir hissəsi olaraq, 1 fevralda tətbiq edilməsi planlaşdırılan tarifləri dayandırdığını açıqlayıb.
aia.az
Tərcümə şöbəsi
Geri dön