Porsche-nin satışları 2025-ci ildə Çindəki tədarüklərin azalması səbəbindən 10 faiz azalıb
16-01-2026, 20:08. Yazar: sevinc1
Almaniyanın avtomobil istehsalçısı Volkswagen Group şirkətinin idman avtomobil markası olan Porsche, Çindəki satışların azalmasının təsiri ilə qlobal avtomobil tədarükünün 2025-ci ildə əvvəlki illə müqayisədə 10 faiz azalacağını bildirib.
Porsche 2025-ci il üçün avtomobil tədarükünün nəticələrini açıqladı.
Bu nəticələrə görə, lüks idman avtomobili istehsalçısının qlobal avtomobil tədarükünün ötən il ümumi sayı 279.449 ədəd təşkil edib ki, bu da əvvəlki illə müqayisədə 10 faiz azdır.
Satışların 2020-ci ildən bəri ilk dəfə 300.000 ədəddən aşağı düşməsi diqqətəlayiqdir.
Alman istehsalçısının Avropadakı satışları, Almaniya istisna olmaqla, 2025-ci ildə illik müqayisədə 13 faiz azalaraq 66.340 ədədə düşüb.
Porsche-nin Şimali Amerikadakı tədarükləri illik müqayisədə 86.229 ədəd olaraq dəyişməz qalsa da, şirkətin əsas bazarlarından biri olan Almaniyadakı tədarüklər 16 faiz azalaraq 29.968 ədədə düşüb.
Porsche eyni dövrdə Çinə 41.938 avtomobil tədarük edib ki, bu da illik müqayisədə 26 faiz azdır.
Şirkət bildirib ki, Çində azalmanın əsas səbəbi lüks seqmentindəki çətin bazar şərtləri və ölkədə, xüsusən də tam elektrikli modellərdə artan rəqabətdir.
Alman istehsalçısının ən çox satılan modeli 84.828 ədəd satılan Macan olub, lakin satışların azalmasına baxmayaraq, Porsche-də ümumi tədarüklərin 22%-ni elektrikli nəqliyyat vasitələri təşkil edib.
aia.az
Tərcümə şöbəsi
Geri dön