Romada sürət həddi saatda 30 kilometr olaraq müəyyən edilib
15-01-2026, 18:07. Yazar: sevinc1
İtaliyanın paytaxtı Romada bu gündən etibarən şəhər mərkəzində saatda 30 kilometr sürət həddi tətbiq edilib. Roma Şəhər Şurası tərəfindən dünən rəsmi olaraq elan edilən qərara əsasən, yol hərəkəti təhlükəsizliyini artırmaq üçün məhdudlaşdırılmış nəqliyyat zonaları (ZTL) daxilindəki ərazilərdə və şəhər mərkəzindəki 1000 küçədə sürücülər üçün saatda 30 kilometr maksimum sürət həddi tətbiq edilib.
Bununla əlaqədar olaraq, yol hərəkətinə cavabdeh olan Roma yerli şəhər polisi sürət həddi tətbiq edilən ərazilərdə patrul və yoxlamaları artırıb.Romada nəqliyyatdan məsul olan şəhər şurasının üzvü Eugenio Patane, yol qəzalarını və nəticədə yaranan əzabları azaltmaq üçün məsuliyyət daşıdıqlarını və bu tədbiri məhz buna görə tətbiq etdiklərini bildirdi.
Patana həmçinin şəhərin əsas prospektlərindən biri olan Xristofor Kolumb prospektində tətbiqi izləmək üçün yeni sürət kameralarının quraşdırılacağını və şəhər boyunca 175 yeni yüksək piyada keçidinin tikiləcəyini bildirdi.
Şimaldakı Bolonya şəhəri mərkəzi hökumətin müxalifətinə baxmayaraq, iki il əvvəl eyni sürət limitini tətbiq etdi.
aia.az
Tərcümə şöbəsi
Geri dön