İsrailin ifrat sağçı milli təhlükəsizlik naziri Ben-Qvir Əl-Əqsa məscidinə basqın edib
13-01-2026, 21:46. Yazar: sevinc1
İsrailin ifrat sağçı milli təhlükəsizlik naziri İtamar Ben-Qvir işğal olunmuş Şərqi Qüdsdəki Əl-Əqsa məscidinə növbəti dəfə basqın edib.Qüds İslam Vəqf İdarəsinin yazılı açıqlamasında Ben-Qvirin bu gün İsrail polisinin himayəsi altında Əl-Əqsa məscidinə basqın etdiyi bildirilib.
2023-cü ildə Benyamin Netanyahunun yaratdığı koalisiya hökumətinin üzvü olan Ben-Qvir nazir olduğu müddətdə Əl-Əqsaya 14 təxribatçı basqın təşkil edib.
İsrailin ifrat sağçı lideri Ben-Qvir, İslam ölkələrinin və beynəlxalq ictimaiyyətin reaksiyalarına baxmayaraq, işğal olunmuş Fələstin ərazilərində təxribatçı hərəkətlərini davam etdirir.
2003-cü ildən bəri İsrail polisi, Qüds İslam Vəqf İdarəsinin müqavimətinə baxmayaraq, Fələstin torpaqlarını qəsb edən israillilərə Əl-Əqsa məscidinə basqın etməyə icazə verib.
Fələstinlilər bildirirlər ki, İsrail Əl-Əqsa məscidi də daxil olmaqla, Şərqi Qüdsü yəhudiləşdirmək və onun ərəb və İslam kimliyini aradan qaldırmaq məqsədi ilə qanun pozuntularını gücləndirir.
aia.az
Tərcümə şöbəsi
Geri dön