Axios: Ukrayna ilə bağlı sülh planı ABŞ ilə razılaşdırılıb, Rusiyanın cavabı gözlənilir
9-01-2026, 19:54. Yazar: sevinc1
ABŞ Prezidenti Donald Tramp administrasiyasının nümayəndələri Rusiya ilə Ukrayna arasındakı münaqişəyə son qoymaq üçün potensial razılaşmanın demək olar ki, bütün aspektləri üzrə Kiyevlə razılığa gəliblər.
Bu barədə Amerikanın Axios portalı məlumat verib.
Məqalədə deyilir: "Trampın planının demək olar ki, bütün aspektləri üzrə Ukrayna ilə razılığa gələn Ağ Ev [Rusiyadan] aydın cavab istəyir".
Adı çəkilməyən Ukrayna rəsmilərinin sözlərinə görə, Ukrayna prezidenti Volodimir Zelenski Kiyev üçün təhlükəsizlik zəmanətləri də daxil olmaqla, razılaşmaları yekunlaşdırmaq üçün gələn həftənin əvvəlində ABŞ-a səfər edə bilər.
Daha əvvəl Dövlət Dumasının Beynəlxalq Əlaqələr Komitəsi sədrinin birinci müavini Aleksey Çepa Rusiyanın ABŞ və Ukrayna arasında əldə edilən razılaşmadan məmnun qalacağına şübhə ilə yanaşırdı.
Deputat vurğulayıb ki, Rusiyanın rəyi nəzərə alınmadan "heç nə etməyin faydası yoxdur" və buna görə də ABŞ və Ukrayna arasında razılaşma danışıqları aparılarkən Moskvanın mövqeyi nəzərə alınmalıdır.
6 yanvarda koalisiya liderləri Ukrayna üçün təhlükəsizlik zəmanətləri ilə bağlı Paris Bəyannaməsini qəbul etdilər, lakin müttəfiq ölkələr üçün konkret öhdəliklər müəyyən etmədilər. Polşanın Baş naziri Donald Tusk aydınlıq gətirib ki, ABŞ-ın layihədə iştirakını aydınlaşdıran ortaq mövqe yanvar ayının sonuna qədər hazır olacaq.
aia.az
Tərcümə şöbəsi
Geri dön