Almaniyanın xarici işlər naziri Vadeful: Rusiya bilməlidir ki, biz Ukraynanın yanındayıq
15-12-2025, 19:37. Yazar: sevinc1
Almaniyanın xarici işlər naziri Yohann Vadeful bildirib ki, Rusiya Almaniyanın Ukraynanın yanında olduğunu bilməlidir.
Dövlət televiziyası Deutschlandfunk radiosuna danışan Vadeful bildirib ki, Berlində Ukrayna ilə bağlı davam edən danışıqlar son dərəcə gərgin keçib və heç vaxt bu qədər ciddi olmayıb.
O, qeyd edib ki, amerikalı danışıqçılar əvvəllər "Moskvanın mövqeyi ilə razılaşdıqlarını" bildiriblər və bunun danışıqları vacib etdiyini, lakin prosesin uğurlu olub-olmayacağı yalnız həftənin sonuna qədər aydın olacaq.
Vadeful bu tarixi vəziyyətdə dəhşətli ölümlərin qarşısını almaq və bu müharibəyə son qoymaq üçün hər hansı bir səyin dəyərli olduğunu bildirib və əlavə edib: “Hələlik bilmədiyimiz şey (Rusiya Prezidenti) Vladimir Putinin bu müharibəyə son qoymaq üçün həqiqətən ciddi bir iradəsinin olub-olmamasıdır. O, indiyə qədər atəşkəsi belə qəbul etməyib”.
Vadefula Ukrayna Prezidenti Volodimir Zelenskinin Berlin danışıqlarından əvvəl cəbhə xəttində dondurma və konkret təhlükəsizlik zəmanətləri müqabilində NATO üzvlüyündən imtina etməyə hazır olduğunu bildirdiyi xatırladılıb və bu addımların ABŞ tərəfini inandırıb-inandırmayacağı soruşulub.
Vadeful buna ümid etdiyini bildirib və əlavə edib: “Əgər bütün bunlar doğrudursa, təsdiq edə bilmərəm, bu o deməkdir ki, Ukrayna əhəmiyyətli güzəştlər edir. Təkrar edirəm, ən vacib şey Vladimir Putinin mövqeyidir”.
Danışıqları izlədiklərini vurğulayan Vadeful deyib: “Hər kəs ədalətli bir kompromis istəyir. Əgər bunlar Ukraynanın təklifləridirsə, bu, Rusiyanın qəbul edə biləcəyi bir xəttdir. Rusiya bilməlidir ki, biz Ukraynanın yanında olacağıq”.
Vadeful qeyd etdi ki, Ukraynanın mümkün olan ən yaxşı danışıqlar mövqeyinə çatmasını təmin etmək üçün hər şeyi etməyə davam edəcəklər və (danışıqlar) uğursuz olarsa, Ukraynanın bu müharibədə müqavimət göstərmək üçün bütün vasitələrə sahib olmasını təmin edəcəklər.
Bu gün ukraynalı həmkarı ilə də görüşəcəyi barədə məlumatı paylaşan Vadeful dedi: "Məsələ yalnız bu müharibəyə son qoymaqla bağlı deyil. Əlbəttə ki, bu, düzgün, zəruri və məntiqlidir."
Vadeful həmçinin gələcək üçün davamlı bir həll yolunun hazırlanmasının vacib olduğunu bildirdi və əlavə etdi: "Ukraynada utanc və rüsvayçılıq kimi hiss ediləcək bir nəticənin qarşısını almalıyıq. Əks halda, bu, qəbuledilməzdir. Həmçinin Putini yenidən hücuma təşviq edəcək bir vəziyyətin qarşısını almalıyıq."
Ukraynada atəşkəs və sülhə nail olmaq üçün səylər dünən Berlində başladı və bu gün Zelenskinin rəhbərlik etdiyi Ukrayna nümayəndə heyəti ilə ABŞ Prezidenti Donald Trampın Ukrayna üzrə xüsusi nümayəndəsi Stiv Vitkov və Trampın kürəkəni Cared Kuşner arasında danışıqlar davam etdirildi.
Zelenski bu axşam Almaniya kansleri Fridrix Merts ilə də görüşəcək. Bunun ardınca Merz, Fransa Prezidenti Emmanuel Makron, Böyük Britaniya Baş naziri Keyr Starmer və digər Avropa liderlərinin iştirakı ilə zirvə görüşü keçiriləcək.
aia.az
Tərcümə şöbəsi
Geri dön