Ermənistan Müdafiə Nazirliyi Qarabağda həlak olmuş əsgərlər haqda məlumat vermir
26-02-2017, 20:10. Yazar: admin
Bir gün əvvəl Ermənistan Müdafiə Nazirliyinin mətbuat xidməti, təmas xəttinin Ağdam istiqamətində döyüş toqquşmalarını şərh edərək, həlak olmuş Azərbaycan zabitləri və əsgərləri haqda informasiya yaydı.
Ancaq ATƏT-in Minsk Qrupu həmsədrlərinin təcili bəyanatından sonra qəti aydın oldu ki, dünənki döyüşlər zamanı hər iki tərəf itki verib. Lakin Ermənistan Müdafiə Nazirliyi həlak olmuş erməni hərbi qulluqçuları haqqında məlumat vermir. Hərçənd, Ermənistandakı ictimai fəallar sosial şəbəkələrdə erməni ordusu sıralarında həlak olanların olduğunu yazırlar.
Virtualaz.org bildirir ki, Azərbaycan Müdafiə Nazirliyi də Silahlı Qüvvələrdəki itkilər haqqında quru və ümumi informasiya ilə kifayətlənərək eyni mövqe tutur.
Xatırladaq ki, həmsədrlər yaydıqları son bəyanatda tərəfləri bundan əvvəl təmas xəttinə yaxın yerləşdirilmiş ağır texnikanı geri çəkməyə, ATƏT sədrinin şəxsi nümayəndəsinin vasitəçiliyi ilə ötən axşam əldə edilmiş razılaşmaya əsasən cəsədlərin götürülməsinə imkan yaratmağa çağırıb.
aia.az
Geri dön