Milli Məclisin deputatı Rövşən Muradov səyyar qəbul keçirib
Dünən, 17:05. Yazar: azer
Noyabrın 26-da Milli Məclisin deputatı Rövşən Muradov “Qobu Park-1” yaşayış kompleksində səyyar qəbul keçirib.
aia.az xəbər verir ki, tədbirdə çıxış edən deputat Rövşən Muradov 44 günlük Vətən müharibəsində əldə olunmuş tarixi Zəfərdən, ölkədə və dünyada baş verən mühüm ictimai-siyasi proseslərdən, son dövrdə həyata keçirilən işlərdən və qarşıda duran vəzifələrdən bəhs edib.
Daha sonra deputat vətəndaşları dinləyib və onların qaldırdıqları məsələlərin nəzarətdə saxlanılacağını qeyd edib. Qaldırılan problemlərin bir qismi üzrə sakinlərə müvafiq izahatlar verilib, digər məsələlərin həlli ilə bağlı isə aidiyyəti qurumların qarşısında məsələ qaldırılacağı bildirilib.
Geri dön