Fiko: ABŞ-ın Ukrayna planını imzalamaq Rusiyanı qalib edəcək
Dünən, 23:39. Yazar: sevinc1
ABŞ-ın vəziyyətin həlli planı imzalanarsa, Rusiya Ukrayna ilə münaqişədən qalib çıxacaq. RİA Novosti agentliyinin məlumatına görə, bunu Slovakiyanın Baş naziri Robert Fiko bildirib.
O, xatırladıb ki, həmişə Ukraynanın NATO-ya üzvlüyünə qarşı çıxıb və buna görə dəfələrlə sərt tənqid olunub, lakin indi Kiyevin alyansa qoşulmaqdan imtina etməsi ABŞ-ın münaqişənin həlli üçün təklif etdiyi plana daxil edilib.
"Əgər bu plan imzalanarsa, Rusiya bu müharibədən tam qalib kimi çıxacaq və mənəvi və iqtisadi cəhətdən son dərəcə güclənəcək", - Fiko bildirib.
Daha əvvəl media Ukraynadakı münaqişənin həlli üçün təklif olunan 28 bəndlik ABŞ planının mətnini dərc etmişdi. Xüsusilə, Krım və Donbasın Rusiya əraziləri kimi tanınması, Kiyevin NATO-ya qoşulmaqdan rəsmi imtina etməsi, nüvə silahı olmayan status və Ukrayna Silahlı Qüvvələrinin şəxsi heyətinin 600.000 nəfərə endirilməsi tələb olunur.
aia.az
Tərcümə şöbəsi
Geri dön