Zelenski ABŞ-ın hazırladığı "sülh planı" ilə bağlı Ukrayna xalqına müraciət etdi
Bu gün, 22:04. Yazar: sevinc1
Ukrayna Prezidenti Volodymyr Zelensky ABŞ-ın müharibəyə son qoya biləcək "sülh planı" üzərində işlədiyini və ölkəsinin milli maraqlarına "heç vaxt xəyanət etməyəcəyini" söylədi.Sosial mediada paylaşdığı video mesajda Zelenski Ukrayna xalqına müraciət edərək ABŞ-ın Rusiya ilə müharibəni bitirmək üçün hazırladığı "sülh planı"na münasibət bildirib.
Planın 28 bənddən ibarət olduğunu qeyd edən Zelenski deyib: "Ukrayna indi çox çətin bir seçimlə üzləşə bilər. Bu, ya şərəfini itirmək, ya da əsas tərəfdaşını itirmək riski ilə üzləşməkdir".
Zelenski plan üzərində işləməyə davam edəcəklərini bildirdi və əlavə etdi: "Növbəti həftə asan olmayacaq və intensiv şəkildə inkişaf edəcək".
"Əlbəttə ki, biz poladdan düzəldilmişik, amma heç bir metal, hətta ən güclü metal belə (bu təzyiqlərə) tab gətirə bilməz", - deyə Zelenski 2019-cu ildə vəzifəyə başlayanda ölkəsinin ərazi bütövlüyünü və suverenliyini müdafiə etmək üçün and içdiyini vurğuladı. Zelenski planın müddəalarına cavab olaraq ABŞ tərəfinə müxtəlif alternativlər təqdim edəcəklərini bildirib və deyib:
“Hər gün dediyim hər sözə sadiq qalıram. Onlara heç vaxt xəyanət etməyəcəyəm. Ukraynanın milli maraqları nəzərə alınmalıdır. Biz şişirdilmiş bəyanatlar vermirik. ABŞ və bütün tərəfdaşlarımızla sakitcə işləyəcəyik. Mən arqumentlərimi təqdim edəcəyəm, onları inandıracağam və alternativlər təklif edəcəyəm, amma düşmənə Ukraynanın sülh istəmədiyini, prosesi dayandırdığını və ya diplomatiyaya hazır olmadığını demək üçün heç bir səbəb verməyəcəyik. Bu, baş verməyəcək”.
Zelenski Ukraynanın təxminən dörd ildir özünü müdafiə etdiyini bildirib və deyib: “Biz minlərlə kilometr uzunluğunda cəbhə xəttini saxlayırıq və xalqımız hər gecə artilleriya atəşinə, raket hücumlarına, ballistik raket hücumlarına və pilotsuz təyyarə hücumlarına məruz qalır”.
Zelenski Ukraynadakı hər kəsi birlik və həmrəylikdə olmağa çağırıb.
Ukrayna ABŞ-dan Rusiya ilə müharibəyə son qoymaq üçün diplomatiyanı gücləndirəcək bir plan layihəsi alıb.
Ukrayna Prezident Administrasiyası dünən gecə yayımlanan yazılı açıqlamada ABŞ-ın Zelenskiyə Rusiya-Ukrayna müharibəsinə son qoymaq üçün diplomatik prosesi gücləndirə biləcək bir plan göndərdiyini bildirib.
Bəyanatda deyilir: "Ukrayna Prezidenti ABŞ tərəfindən göndərilən plan layihəsini rəsmi olaraq alıb. ABŞ tərəfi bu planın diplomatiyanı gücləndirə biləcəyini bildirir." Həmçinin qeyd olunub ki, Zelenskiy məsələni müzakirə etmək üçün yaxın günlərdə ABŞ Prezidenti Trampla görüşə bilər.
aia.az
Tərcümə şöbəsi
Geri dön