Braziliyada keçirilən BMT-nin İqlim Sammitinin iştirakçıları yanğın səbəbindən təxliyə ediliblər
Dünən, 22:52. Yazar: sevinc1
Braziliyanın Belem şəhərində keçirilən Birləşmiş Millətlər Təşkilatının (BMT) İqlim Dəyişikliyi üzrə Çərçivə Konvensiyasının 30-cu Tərəflər Konfransı (COP30) zamanı baş verən yanğın səbəbindən iclas ərazisindəki iştirakçılar təxliyə edilib.
Milli medianın məlumatına görə, yanğın sammitdə iştirak edən ölkələrin və beynəlxalq təşkilatların tribunalarının yerləşdiyi "Mavi Zona"da başlayıb.
Təhlükəsizlik işçilərinin təcili çıxışları açdığı və Mavi Zona iştirakçılarını təxliyə etdiyi bildirilir.
Qısa müddətli gərginliyə səbəb olan yanğın hələlik heç bir itkiyə səbəb olmayıb.Yanğının səbəbini və dəymiş ziyanı müəyyən etmək üçün bölgəyə ekspert qrupları göndərilib.
COP30-dan əvvəl Braziliya Amazon meşələrinə açılan qapı kimi tanınan Belemdə infrastruktur çatışmazlığı və yüksək yaşayış qiymətləri səbəbindən yaranan ciddi logistika problemləri əsas müzakirə mövzusu idi.
10 noyabrda başlayan və Amazon meşələrinə açılan qapı kimi xidmət etdiyi üçün "Amazon COP" kimi də tanınan sammitdə dünyanın ən böyük tropik meşələrinin qorunmasının iqlim dəyişikliyi və biomüxtəlifliyin itirilməsi ilə mübarizəyə verdiyi töhfə vurğulanacaq.
Paris Sazişinin 10-cu ildönümünü qeyd edəcək və təxminən iki həftə davam edəcək danışıqlarda yeni milli töhfə bəyannamələri, iqlim maliyyələşdirilməsi və meşələrin qırılmasının dayandırılması kimi məsələlər müzakirə olunacaq.
aia.az
Tərcümə şöbəsi
Geri dön