İrandan zənginləşdirilmiş uran ehtiyatı barədə məlumat tələb edən qanun layihəsini təsdiqlənib
Dünən, 20:30. Yazar: sevinc1
Beynəlxalq Atom Enerjisi Agentliyinin (BAEA) İcra Şurası İrandan hücuma məruz qalan nüvə obyektləri və zənginləşdirilmiş uran ehtiyatları ilə bağlı məlumata çıxış tələb edən qətnamə layihəsini təsdiqləyib.
Qətnamədə bildirilirdi ki, İranın beş aydan çoxdur MAQATE-nin yoxlamasından keçməmiş zənginləşdirilmiş uran ehtiyatları ciddi narahatlıq doğurur.
İranın Birləşmiş Millətlər Təşkilatının Təhlükəsizlik Şurasının (BMT TŞ) qətnamələri çərçivəsində öz öhdəliklərini yerinə yetirməsinin vacibliyi vurğulanaraq, Tehrandan hücuma məruz qalan nüvə obyektlərinə giriş təmin etməsi və zənginləşdirilmiş uran ehtiyatları barədə məlumat verməsi tələb olunurdu.
Qətnamədə MAQATE direktoru Rafael Mariano Qrossidən İranın NPT Təminatları və Nəzarət Sazişinin bütün müvafiq müddəalarını və "snapback" mexanizmi vasitəsilə yenidən qüvvəyə minmiş BMT TŞ-nin altı qətnaməsinin icrası barədə İcra Şurasına hesabatlar təqdim etməsi tələb olunurdu. Bu hesabatlara İranın uran ehtiyatlarının yoxlanılması barədə məlumatlar daxil edilməlidir.
Qətnamədə İran "18 dekabr 2003-cü ildə imzaladığı Əlavə Protokolun müddəalarına ciddi şəkildə riayət etməyə və bu tədbiri gecikmədən tam şəkildə həyata keçirməyə" çağırılırdı.
aia.az
Tərcümə şöbəsi
Geri dön