Semeru vulkanının püskürməsi səbəbindən həyəcan səviyyəsi ən yüksək səviyyəyə qaldırılıb
Bu gün, 19:28. Yazar: sevinc1
İndoneziyanın Yava adasının şərqində Semeru vulkanının püskürməsindən sonra həyəcan səviyyəsinin ən yüksək səviyyəyə qaldırıldığı açıqlandı.İndoneziya Vulkanologiya və Geoloji Fəlakətlərin Azaldılması Mərkəzinin verdiyi açıqlamada, püskürmə səbəbindən Semeru vulkanının ətəyi boyunca lava, qaz, kül və qayaların təxminən 7 kilometr irəlilədiyi bildirilib.
Bəyanatda partlayış səbəbindən həyəcan vəziyyətinin 2-ci səviyyədən 4-cü səviyyəyə qaldırıldığı və kül buludlarının bir çox kəndi əhatə etməsinə baxmayaraq, heç kimin xəsarət almadığı bildirilib
Şərqi Yavada Lumajanq və Malanq əyalətlərinin sərhədində yerləşən Semeru vulkanı dünən yerli vaxtla səhər saat 6:11-də püskürərək 800 metr hündürlüyə kül püskürdü.
Bromo Tengger Semeru Milli Parkının bir hissəsi olan Semeru vulkanı Yava adasındakı ən aktiv vulkanlardan biri kimi tanınır.
aia.az
Tərcümə şöbəsi
Geri dön