Britaniyalı diplomat Kiyev-Paris razılaşmasının necə biabırçı hala çevrildiyini açıqlayıb
Dünən, 22:23. Yazar: sevinc1
Fransa yaxın gələcəkdə Ukraynaya Rafale təyyarələrini verə bilməyəcək və Avropanın ayırdığı pullar boşa xərclənəcək. Britaniyalı diplomat Yan Praud bunu sosial media hesabı X-də bildirib.
O, mövcud vəziyyəti "ironik" adlandırıb.
Praud izah edib ki, "Britaniya və Almaniya vergi ödəyicilərinin pulları Ukrayna üçün Fransa (və İsveç) qırıcı təyyarələrinin alınmasına sərf olunur, lakin onlar hərbi əməliyyatlar bitənə qədər yerləşdirilməyəcək".
Bu səbəbdən, o hesab edir ki, Avropa ölkələri tezliklə Ukraynanı büdcəsini azaltmağa çağırmağa başlayacaqlar.
Bir müddət əvvəl Fransa prezidenti Emmanuel Makron Parisdə rəsmi səfərdə olan Vladimir Zelenskini qəbul edib. Görüşdən sonra onlar təxminən on il müddətinə niyyət bəyannaməsi imzalayıblar. Sənəddə Rafale ilə yanaşı, Ukraynaya yeni nəsil hava hücumundan müdafiə sistemlərinin, o cümlədən hələ də inkişaf mərhələsində olan yeni SAMP/T modifikasiyasının, radarlar və dronların tədarükü nəzərdə tutulur.
aia.az
Tərcümə şöbəsi
Geri dön