NATO-nun baş katibi Rutte hava məkanı pozulan Litvaya dəstək mesajı göndərib
Dünən, 21:59. Yazar: sevinc1
NATO-nun baş katibi Mark Rutte bildirib ki, alyansın hava məkanı pozulan Litvanın yanında "qətiyyətlə" dayanır.Rutte, ABŞ-da yerləşən X şirkətinin sosial media platformasında verdiyi açıqlamada, Litva prezidenti Gitanas Nauseda ilə Litvanın hava məkanına təsir edən təhdidlər barədə telefonla danışdığını bildirib.
Baş katib bildirib ki, "NATO, İspaniya və Macarıstan tərəfindən təmin edilən hava polisi və Almaniyanın rəhbərlik etdiyi NATO qüvvələri də daxil olmaqla, Litvanın yanında möhkəm dayanır".
Nauseda 24 oktyabrda Rusiya hərbi təyyarələrinin Litvanın hava məkanını pozduğunu açıqlayıb. Vilnüs hava limanı 21, 24, 25 və 26 oktyabr tarixlərində Belarusdan şarlarda qaçaqmal siqaretlərinin daşınması səbəbindən uçuşlar üçün bağlanmışdı.
Litva hakimiyyəti əvvəllər Belarusu sərhəddən qaçaqmal daşımaq və ya Vilnüs yaxınlığında hava nəqliyyatını pozmaq üçün bu cür şarlar göndərməkdə günahlandırmışdı.
Litva Baş naziri İnqa Ruqiniene, hava şarlarının həftədə dörd dəfə hava məkanını pozmasından sonra ölkənin Belarusla sərhəd keçid məntəqələrini qeyri-müəyyən müddətə bağlamaq və şarları vurmaq planlarını açıqladı.
aia.az
Tərcümə şöbəsi
Geri dön