Rusiya: "Burevestnik" raketi ABŞ-la münasibətlərə zərər verməyəcək
Dünən, 22:27. Yazar: sevinc1
Kremlin sözçüsü Dmitri Peskov bildirib ki, limitsiz mənzilli "Burevestnik" nüvə enerjisi ilə işləyən qanadlı raketlə bağlı inkişaflar hazırda minimum səviyyədə olan Rusiya-ABŞ münasibətlərinə zərər verməyəcək.
Peskov jurnalistlərin Moskvadakı cari hadisələrlə bağlı suallarını cavablandırdı.
Peskov ABŞ ilə münasibətlərin yaxşılaşdırılması üçün lazım olan prosesin Vaşinqtonun hərəkətləri səbəbindən mane olduğunu bildirərək dedi: "Lakin biz münasibətlərin yaxşılaşdırılmasına, ilk növbədə öz maraqlarımızı nəzərə alaraq açıq qalırıq".
Sınaqları dünən başa çatan Rusiya istehsalı olan "Burevestnik" raketi haqqında danışan Peskov dedi: "Moskva ilə Vaşinqton arasındakı münasibətləri daha da gərginləşdirə biləcək və ya gərginləşdirməli olan heç bir şey yoxdur. Xüsusilə də bu münasibətlər artıq ən aşağı nöqtədə olduğundan. İndiyə qədər bu münasibətləri durğunluqdan çıxarmaq üçün yalnız ilk ehtiyatlı addımlar atılıb".
Rusiya Prezidenti Vladimir Putin dünən limitsiz mənzilli nüvə enerjisi ilə işləyən "Burevestnik" kruiz raketinin sınaqlarının başa çatdığını elan etdi.
Digər tərəfdən, ABŞ prezidenti Donald Tramp Rusiyanın yeni nüvə raketi sınaqdan keçirməkdənsə, Ukraynadakı müharibəyə son qoymalı olduğunu bildirib.
aia.az
Tərcümə şöbəsi
Geri dön