Bakıda dönərxana PARTLADI - YENİLƏNİB - FOTO
21-02-2017, 14:23. Yazar: admin
Bakıda dönərxanada baş verən partlayışda xəsarət alan 5 nəfərin adı məlum olub.
3 saylı Şəhər Klinik Xəstəxanasından APA-ya verilən məlumata görə, partlayış nəticəsində 1963-cü il təvəllüdlü Rüstəmova Naridə Rüstəm qızı, 1994-cü il təvəllüdlü Əlifxanlı Şəhriyar Əlimusa oğlu, 1992-ci il təvəllüdlü Bayramov Rafael Nəsrəddin oğlu, 1991-ci il təvəllüdlü Məmmədov Elşən Əlimusa oğlu və 1978-ci il təvəllüdlü Hüseynova Sima Ağalar qızı xəsarət alıblar.
Onların vəziyyətinin orta-ağır olduğu bildirilib.
Dönərxanada partlayışa qaz balonunun partlaması səbəb olub.
APA-nın hadisə yerində olan əməkdaşının verdiyi məlumata görə, partlayış nəticəsində 50 kvadratmetr ərazisi olan dönərxana yararsız hala düşüb.
İlkin ehtimala görə, qaz balonu düzgün quraşdırılmadığına görə partlayıb.
--------
14:03
Bakıda dönərxanada baş verən partlayışda 5 nəfər xəsarət alıb.
Bu barədə APA-ya Səhiyyə Nazirliyinin mətbuat xidmətinin rəhbəri Liya Bayramova məlumat verib.
Onun sözlərinə görə, xəsarət alanlardan üçü kişi, ikisi qadındır.
Xəsarət alanlar xəstəxanaya yerləşdiriliblər.
--------
13:22
Sabunçu rayonu, Zabrat qəsəbəsində partlayış baş verib.
AİA.Az xəbər verir ki, qafqazinfo-ya hadisə şahidləri bildiriblər ki, hadisə "Ayxan" marketlə üzbəüz olan dönərxanada qeydə alınıb.
Nəticədə çoxlu sayda insanın yaralandığı bildirilir.
AİA.az
Geri dön