Suriya təhlükəsizlik qüvvələri ilə PKK/YPG Hələbdə atəşkəs əldə edib
7-10-2025, 08:10. Yazar: sevinc1
Suriyanın Hələb vilayətinin Əşrəfiyyə və Şeyx Məqsud məhəllələrində təhlükəsizlik qüvvələri ilə Suriya Demokratik Qüvvələri (SDQ) adından istifadə edən terror təşkilatı PKK/YPG arasında atəşkəs razılaşmasının əldə edildiyi bildirilib.
Suriyanın rəsmi xəbər kanalı Əl-İxbariyyəyə danışan bir səlahiyyətli, PKK/YPG ilə qarşıdurmalardan sonra atəşkəsin əldə edildiyini və razılaşmanın qüvvəyə mindiyini bildirib.
Suriyanın Hələb şəhərində PKK/YPG ilə Suriya təhlükəsizlik qüvvələri arasında qarşıdurma baş verib.
Bu arada Hələb valiliyindən verilən açıqlamada oktyabrın 7-dən etibarən şəhər daxilindəki bütün təhsil və dövlət müəssisələrində fəaliyyətlərin dayandırıldığı bildirilib.
Daxili İşlər Nazirliyinin sözçüsü Nurəddin Baba da Suriyanın rəsmi dövlət xəbər kanalına PKK/YPG hücumları nəticəsində 25 mülki vətəndaşın yaralandığını bildirib.
Qarşıdurma zamanı bir mətbuat mənsubunun yüngül xəsarət aldığı bildirilir.
Şeyx Məqsud və Əşrəfiyyə məhəllələrində qarşıdurmalar
Səhər saatlarında PKK/YPG-nin Əşrəfiyyə və Əşrəfiyyə məhəllələrinə yerləşdirdiyi snayperlərin Daxili İşlər Nazirliyinə bağlı təhlükəsizlik qüvvələrinə aid məntəqələri hədəf alması ilə qarşıdurma başlayıb.
Axşam saatlarına doğru şiddətlənən qarşıdurmada qrup iki məhəlləyə bitişik yaşayış məntəqələrini minaatan və artilleriya atəşi ilə hədəfə alıb, onlarla ailəni didərgin salıb.
aia.az
Tərcümə şöbəsi
Geri dön