Krasnoyarsk yaxınlığında An-2 təyyarəsinin qəzaya uğraması nəticəsində hər iki pilot ölüb
Bu gün, 18:13. Yazar: sevinc1
Krasnoyarsk diyarının Tanzıbəy kəndi yaxınlığında An-2 təyyarəsinin qəzaya uğraması nəticəsində hər iki pilot həlak olub. Təyyarənin özü tamamilə məhv edilib.
Bu barədə cümə günü, oktyabrın 3-də Dövlətlərarası Aviasiya Komitəsinin mətbuat xidməti məlumat yayıb.
"Dövlətlərarası Aviasiya Komitəsi bu aviasiya qəzasını araşdırmaq üçün komissiya yaradıb. Komissiya işə başlayıb", - agentliyin rəsmi saytında bildirilir.
Hadisə oktyabrın 3-ü günorta saatlarında baş verib. Fövqəladə Hallar Nazirliyinin əməkdaşları dərhal hadisə yerinə gəliblər. Daha sonra internetdə qəzaya uğrayan yüngül təyyarənin fotosu yayılıb.
Sentyabrın 9-da An-2 təyyarəsi Rostov vilayətinin Volqodonsk rayonunda kənd təsərrüfatı işləri zamanı qəzaya uğrayıb. Təyyarə Morozov kəndindən dörd kilometr aralıda düşüb. Təcili yardım xidmətləri daha sonra bildirdi ki, qəzanın əsas səbəblərindən biri pilotun səhvi olub.
Bundan başqa, mayın 23-də Oryol vilayətində helikopter qəzaya uğrayıb, ardınca yanğın baş verib. Tezliklə hadisə yerinə təcili xidmətlər gəlib. Qəzada pilot və bort mexaniki həlak olub.
aia.az
Tərcümə şöbəsi
Geri dön