Böyük Britaniya Trampın Qəzza planı ilə bağlı bəyanat yayıb
Bu gün, 09:23. Yazar: sevinc1
Böyük Britaniyanın baş naziri Keir Starmer ABŞ prezidenti Donald Trampın Qəzzada atəşkəsə nail olmaq üçün təqdim etdiyi sülh planını alqışlayıb.Starmer Trampın 20 bəndlik planı ilə bağlı verdiyi yazılı açıqlamada, "Mən ABŞ-ın Qəzzada müharibəni bitirmək üçün başlatdığı yeni təşəbbüsü çox alqışlayıram" dedi.
Trampa rəhbərliyinə görə təşəkkürünü bildirən Starmer, "Biz onun münaqişənin sona çatması, məhbusların azad edilməsi və Qəzza xalqına təcili humanitar yardım göstərilməsi istiqamətindəki səylərini güclü şəkildə dəstəkləyirik. Bu, bizim prioritetimizdir və ən qısa zamanda baş verməlidir" dedi.
Starmer bütün tərəfləri razılaşmanı yekunlaşdırmaq üçün ABŞ administrasiyası ilə işləməyə çağırıb, eyni zamanda HƏMAS-ı planı qəbul etməyə, silahlarını yerə qoymağa və məhbusları azad etməyə çağırıb.
Böyük Britaniyanın daimi atəşkəs razılaşmasına nail olmaq üçün tərəfdaşları ilə işləməyə davam edəcəyini qeyd edən Starmer, "Qəzzada müharibəni bitirmək və Fələstinlilərlə İsraillilərin təhlükəsizlik şəraitində yan-yana yaşadıqları qalıcı sülhün təmin edilməsi üçün birgə səy göstərməyə hazırıq" dedi.
aia.az
Tərcümə şöbəsi
Geri dön