Sloveniya Fələstin dövlətini tanıyan ölkələri dəstəkləyir
Bu gün, 13:14. Yazar: sevinc1
Sloveniyanın xarici işlər naziri Tanya Fajon Kanada, Avstraliya, Böyük Britaniya və Portuqaliyanın Fələstin Dövlətini tanımaq qərarını dəstəklədiklərini bildirib.
ABŞ-da yerləşən X şirkətinin sosial media platformasında verdiyi açıqlamada Fajon Kanada, Avstraliya, Böyük Britaniya və Portuqaliyanın Fələstin Dövlətini tanımaq qərarından məmnunluğunu ifadə edib.
Fajon, həmçinin Birləşmiş Millətlər Təşkilatının Baş Assambleyasında iki dövlət həlli ilə bağlı konfransın keçiriləcəyini açıqlayaraq, "Konfransın Fələstin və İsrail arasında davamlı sülh və birgəyaşayış yolunda ilk addım olacaq nəticələr verməsini gözləyirik" dedi.
Kanadanın baş naziri Mark Karni, Avstraliyanın baş naziri Entoni Albanese, Böyük Britaniyanın baş naziri Keir Starmer və Portuqaliyanın xarici işlər naziri Paulo Rangel Fələstin Dövlətini tanıdıqlarını elan ediblər.
4 iyun 2024-cü ildə Sloveniya Birləşmiş Millətlər Təşkilatının Təhlükəsizlik Şurasının (BMT TŞ) qətnamələrinə uyğun olaraq Fələstini 1967-ci il sərhədləri ilə müstəqil və suveren dövlət kimi tanıdığını elan etdi.
Avropa İttifaqının (Aİ) üzvü olan Sloveniya Qəzzada törətdiyi soyqırımlara görə Aİ-ni İsrailə qarşı sanksiyalar tətbiq etməyə çağırması ilə diqqət çəkir.
aia.az
Tərcümə şöbəsi
Geri dön