Fransada xalq üsyan edir! Çoxlu həbslər var
Dünən, 21:46. Yazar: sevinc1
Fransada sentyabrın 8-də etimad səsverməsini qazana bilməyən Fransua Bayrou hökumətinin büdcə ixtisarı planına cavab olaraq keçirilən "Bloquons tout" (Hər şeyi dayandıraq) etirazları bu gün ölkə daxilində geniş iştirakla keçirilib. Polislə etirazçılar arasında vaxtaşırı gərginlik yaranıb və təxminən 110 nəfərin saxlanıldığı bildirilir.
Fransada hökumətin büdcəsinin kəsilməsinə qarşı "Bloquons tout" (Hər şeyi dayandıraq) etirazları davam edir. Paris polis rəisi Laurent Nuñez mağaza sahiblərini bizneslərini bağlı saxlamağa çağırıb və etirazlar ərəfəsində ictimaiyyəti mümkün zorakılıqlar barədə xəbərdar edib. Nunes qeyd edib ki, kəşfiyyat məlumatlarına görə, "yüzlərlə, hətta minlərlə radikal ünsür" yürüşlərə sızaraq zorakılıq hərəkətləri etməyi planlaşdırır. Polis rəisi Nunes bildirib ki, bu məqsədlə təhlükəsizlik qüvvələri şəhərin strateji nöqtələrinə yerləşdirilib.
“Mülkə və ya cana dəyən hər hansı ziyan dərhal aradan qaldırılacaq”.
Fransa hökuməti nümayişlərdə təhlükəsizliyi təmin etmək üçün 80 min təhlükəsizlik işçisi cəlb edib. Etirazların böyüməsinin qarşısını almaq üçün sıx tədbirlərin görüldüyü Parisdə 24 Centaure tipli zirehli maşın və 10 su şırnaqları da hazır vəziyyətdədir. Fransa Daxili İşlər Naziri Bruno Retailleau, təhlükəsizlik qüvvələrinə dəqiq göstərişlər verildiyini ifadə edərək, "İstənilən blokadalar dərhal aradan qaldırılacaq. Mülkiyyət və ya cana dəyən hər hansı bir ziyan sürətlə aradan qaldırılacaq" dedi.
aia.az
Tərcümə şöbəsi
Geri dön