İsveçrə Konfederasiyasının Prezidenti: Fələstin dövlətinin tanınması prosesin başlanğıcı deyil, sonu olacaq
Bu gün, 20:02. Yazar: sevinc1
İsveçrə Konfederasiyasının prezidenti Karin Keller-Sutter Fələstin Dövlətinin tanınmasının ölkəsi üçün bir prosesin başlanğıcı deyil, əksinə son olacağını və İsveçrənin bu addımı atması üçün ilkin şərtlərin yerinə yetirilməsi lazım olduğunu bildirib.
Keller-Sutter rəsmi danışıqlar üçün olduğu Xorvatiyanın paytaxtı Zaqrebdə prezident Zoran Milanoviç ilə birgə mətbuat konfransı keçirib.
Portuqaliya gələn həftə Fələstin dövlətinin tanınması istiqamətində addımlar atacaq.
Kanadanın baş naziri Fələstin dövlətini tanımaq niyyətini bir daha bəyan edib.
Yaponiyada parlamentin 206 üzvü hökumətdən Fələstin dövlətini tanımasını tələb edib.
Lüksemburq BMT Baş Assambleyasında Fələstin Dövlətini tanımağa hazırlaşır.
İsveçrənin Fələstin Dövlətini tanıyıb-tanımayacağına münasibət bildirən Keller-Sutter, "İsveçrə iki dövlətli həll yolunu dəstəkləyir. Bizim üçün Fələstin Dövlətinin tanınması prosesin başlanğıcı deyil, sonu olardı. İsveçrənin Fələstini tanıması üçün ilkin şərtlər yerinə yetirilməlidir" dedi.
Keller-Sutter ABŞ prezidenti Donald Trampın imzaladığı fərmanla ABŞ-ın bəzi ölkələr üçün qarşılıqlı əsaslı gömrük rüsumları dərəcələrini dəyişdiyini, İsveçrəyə 39% tarif tətbiq edildiyini qeyd edib. O, ölkənin ixracatının mənfi təsirləndiyini və həll yolu tapmaq üçün ABŞ administrasiyası ilə əlaqə saxladıqlarını qeyd etdi.
Milanoviç Karin Keller-Sutter ilə bir çox məsələləri müzakirə etdiklərini də bildirib. Xorvatiyanın Fələstin Dövlətinin tanınması ilə bağlı mövqeyinə gəlincə, o, "Fələstinlilərin öz dövlətləri yaratmaq hüququ var və Xorvatiya bunu tanımalıdır. Lakin Fələstin Dövlətinin tanınması üçün parlamentdə səs çoxluğu lazımdır" dedi.
Milanoviç İsrailin ilk gündən Qəzzada hərbi cinayətlər törətdiyini vurğulayaraq, İspaniyanın baş naziri Pedro Sançesin Qəzzanı işğal etdiyi üçün İsrailin bütün beynəlxalq idman tədbirlərinə qadağa qoyulması tələbini dəstəkləmədiyini bildirib.
aia.az
Tərcümə şöbəsi
Geri dön