Deputat 15 sentyabr – Bilik Günü münasibətilə orta məktəbdə olub
Bu gün, 18:40. Yazar: azer
15 sentyabr – Bilik Günü münasibətilə M.Müşfiq adına 18 saylı orta məktəbdə oldum. Tədris həyatına ilk addımlarını atan birinci sinif şagirdlərini, onların valideynlərini və müəllimləri təbrik etdim. Bu gün hər bir uşaq, hər bir ailə üçün xüsusi bir gündür. Çünki məktəb həyatının başlanğıcı gələcək uğurların təməlidir.
Qeyd etdim ki, şagirdlərimiz xoşbəxtdirlər; Onlar suveren, galib Azərbaycanın vətəndaşlarıdırlar və daim möhtərəm Prezident cənab İlham Əliyevin, eləcə də Birinci vitse-prezident Mehriban xanım Əliyevanın qayğısını öz üzərlərində hiss edirlər. Bu diqqət və qayğı sayəsində ölkəmizdə təhsilin inkişafı, uşaqların sağlam böyüməsi və vətənpərvər ruhda tərbiyə alması üçün bütün imkanlar var.
Balaca şagirdlərimizə elm və bilik yolunda uğurlar, valideynlərinə isə övladlarının uğurlarını görmək xoşbəxtliyi arzulayıram. Yeni tədris ilinin bütün müəllimlərimiz, şagirdlərimiz və ailələrimiz üçün xeyirli-uğurlu olmasını diləyirəm.
Göydəniz Qəhrəmanov
Milli Məclisin deputatı
Geri dön