ČTK: Çexiya xüsusi xidmət orqanlarında işləməkdə ittiham olunan belarus diplomatını ölkədən çıxarır
Dünən, 22:45. Yazar: sevinc1
Çexiya ČTK xəbər agentliyinin verdiyi məlumata görə, Çexiya Belarus diplomatını persona non-qrata elan edib və onu məxfi xidmətlər üçün gizli işləməkdə ittiham edib.
İndi Belarus səfirliyinin yuxarıda adı çəkilən əməkdaşının üç gün ərzində Çexiyanı tərk etməsi tələb olunur.
ČTK-nın verdiyi məlumata görə, Çex Respublikasının Təhlükəsizlik və İnformasiya Xidməti digər Avropa ölkələrinin xüsusi xidmət orqanları ilə birlikdə Avropada Belarus DTK tərəfindən yaradıldığı iddia edilən kəşfiyyat şəbəkəsini ləğv edib.
"Diplomatik pərdə altında olan agentlər bütün Avropada fəaliyyət göstərmək azadlığına malik ola bilməzlər. Mən Avropa səviyyəsində, ilk növbədə rus diplomatları ilə bağlı zəruri məhdudiyyətləri təbliğ etməyə davam edəcəyəm", - Çexiyanın xarici işlər naziri Yan Lipavski bu insidenti şərh edib.
Bundan əvvəl Çexiya Xarici İşlər Nazirliyinin rəhbəri Rusiya Federasiyasından olan diplomatların Şengen zonasında hərəkətinə məhdudiyyətlər qoymağa çağırıb.
aia.az
Tərcümə şöbəsi
Geri dön