Çin dünyanın ilk "universal" 6G çipini təqdim etdi
Dünən, 23:56. Yazar: sevinc1
“South China Morning Post” xəbər verir ki, Çin bütün tezliklərdə yüksək sürətli internet təmin edə bilən dünyanın ilk “universal” 6G çipini təqdim edib.
Qeyd olunur ki, təqdim edilən çip ABŞ-ın kənd yerlərində internetin hazırkı səviyyəsi ilə müqayisədə sürəti beş min dəfə artıra bilir. Xüsusilə, texnologiyanın tərtibatçıları iddia edirlər ki, ondan 50 giqabaytlıq filmi 8K təsvir ölçüsündə “bir neçə saniyə ərzində” ötürmək olar.
Mətn Pekin Universitetinin professoru Vanq Xinqjundan sitat gətirir: "6G-nin inkişafı problemlərinin həllinə təcili ehtiyac var".
Həmçinin onun fikrincə, yeni nəsil şəbəkələrdə 6G çipli cihazlara tələbatın artması ilə müxtəlif tezlik diapazonlarının üstünlüklərindən istifadə etmək zərurəti yaranacaq.
Bununla belə, bir sıra ekspertlər simsiz girişin genişlənməsində təhlükə görürlər. Onlar hesab edirlər ki, bu, elektromaqnit mühitlərinin həddindən artıq yüklənməsinə səbəb ola bilər və bununla da əlaqələrin etibarlılığını azaldır.
aia.az
Tərcümə şöbəsi
Geri dön