BMT Xəbardarlıq Edib
Dünən, 23:34. Yazar: sevinc1
BMT baş katibinin sözçüsü Stefan Düjarrik İsrailin işğalı altında olan İordan çayının qərb sahilində Fələstin torpaqlarını qəsb edən israillilərin fələstinlilərə qarşı hücumlarının artdığını bildirib.
BMT baş katibinin sözçüsü Stefan Dujarrik BMT-nin Nyu-Yorkdakı mənzil-qərargahında keçirilən gündəlik mətbuat konfransında Yaxın Şərqdəki son hadisələri dəyərləndirib.
İsraildə Fələstini tanımaq qərarına cavab olaraq İordan çayının qərb sahilinin ilhaqı ciddi müzakirə olunur.
Düjarrik Şərqi Qüds də daxil olmaqla İordan çayının qərb sahilində artan şiddətə diqqət çəkərək, 19-25 avqust tarixləri arasında Fələstin torpaqlarını ələ keçirən israillilərin fələstinlilərə "çox yüksək səviyyədə zorakılıq tətbiq etdiyini" bildirib.
Dujarric, "BMT-nin Humanitar Məsələlərin Koordinasiyası Ofisi (OCHA) qeyd edir ki, məskunlaşanların zorakılığı indi İordan çayının qərb sahilində fələstinlilərin yerdəyişməsinin əsas səbəblərindən birinə çevrilib".
Hücumlarla bağlı təfərrüatları verən Dujarrik, "OCHA 13 Fələstin icmasında yaralanmalara və ya maddi ziyana səbəb olan ən azı 15 hücumu sənədləşdirib" dedi.
Baş katibin sözçüsü bu hücumlarda səkkiz fələstinlinin yaralandığını, altı ailənin isə evlərini tərk etmək məcburiyyətində qaldığını qeyd edərək, bunun “15 böyük və təxminən 20 köçkün uşaq” olduğunu bildirib.
Dujarric, "Şərqi Qüds də daxil olmaqla, Qərb Sahilindəki bütün mülki vətəndaşların qorunması və bu söküntülərə son qoyulması üçün bir daha çağırış edirik. Məskunlaşanların şiddətinə qarşı da addımlar atılmalıdır" dedi.
aia.az
Tərcümə şöbəsi
Geri dön