ABŞ BMT Baş Assambleyasına qatılan Fələstin rəsmilərinin vizalarını ləğv edib
Dünən, 20:56. Yazar: sevinc1
ABŞ administrasiyası sentyabrda Nyu-Yorkda keçiriləcək Birləşmiş Millətlər Təşkilatının (BMT) 80-ci Baş Assambleyasında iştirak etmək üçün ABŞ-a gəlməli olan Fələstin rəsmilərinin vizalarını ləğv edib.
ABŞ Dövlət Departamenti verdiyi yazılı açıqlamada Donald Tramp administrasiyasının Fələstin Azadlıq Təşkilatı (FAT) və Fələstin Administrasiyasının rəsmilərinin vizalarını ləğv etdiyini açıqlayıb.
Bəyanatda deyilir: “ABŞ qanunlarına uyğun olaraq, dövlət katibi Marko Rubio qarşıdan gələn Birləşmiş Millətlər Təşkilatının Baş Assambleyası ərəfəsində Fələstin Azadlıq Təşkilatı və Fələstin Muxtariyyəti üzvlərinin vizalarını rədd edib və ya ləğv edib.
Xarici İşlər Nazirliyi Fələstin Administrasiyasını “terrorizmi qınamamaqda, zorakılığa təhrik etməkdə və Beynəlxalq Cinayət Məhkəməsi (ICC) və Beynəlxalq Ədalət Məhkəməsi (ICJ) vasitəsilə İsrailə qarşı “hüquqi müharibə” aparmaqda” ittiham edib.
Bəzi Avropa ölkələri də daxil olmaqla, bir çox ölkənin BMT Baş Assambleyasında Fələstin Dövlətini rəsmən tanımağa hazırlaşdığı bir vaxtda ABŞ administrasiyasının qərarı tənqidlərə səbəb olub.
İyulun 31-də bəzi Fələstinli rəsmilərə sanksiya tətbiq edən və onlara viza verməyi qadağan edən Tramp administrasiyası bu yaxınlarda fələstinlilərə hücumda günahlandırılan zorakı İsrailli məskunlaşmaçılara qarşı sanksiyaları ləğv etdi.
Bəzi ölkələr, o cümlədən Fransa, Böyük Britaniya, Kanada və Avstraliya qarşıdan gələn BMT Baş Assambleyasında Fələstin dövlətini rəsmən tanımaq planlarını açıqlayıb.
aia.az
Tərcümə şöbəsi
Geri dön