Dmitriyev, Putinin iqtisadi nümayəndəsi: "Bəlkə Merz Aİ-nin enerji intiharını dayandıracaq"
Dünən, 15:19. Yazar: sevinc1
Rusiya prezidenti Vladimir Putinin beynəlxalq iqtisadi əməkdaşlıq üzrə xüsusi nümayəndəsi Kiril Dmitriyev bəyan edib ki, Almaniyanın iqtisadi problemləri yanlış siyasətdən qaynaqlanır.
Rusiya Birbaşa İnvestisiya Fondunun da sədri olan Dmitriyev ABŞ-da yerləşən X şirkətinin sosial media platformasında paylaşım edib.
Merzin ABŞ-a ünvanladığı "bəlkə də yeni tərəfdaşlar tapmalıyıq" ifadəsini sitat gətirən Dmitriyev, "Merz öz sözlərini daha diqqətlə seçməli ola bilər. "Tramp ata" deyə qəzəblənməyə ehtiyac yoxdur. Ola bilsin ki, Merz Aİ-nin enerji intiharını dayandıracaq və Rusiya onun köhnə və yeni tərəfdaşına çevriləcək”.
Merzin Almaniyanın "rifah dövləti"nin artıq iqtisadi cəhətdən yararsız hala düşdüyünə dair açıqlamalarına münasibət bildirən Dmitriyev, "Bəlkə də Merzin təsvir etdiyi böhran sadəcə olaraq havadan yaranmayıb. Bu, illərlə verilən yanlış qərarların və pis siyasətlərin bədəlidir və bu pis siyasətlər davam edir" dedi.
Merz dünən verdiyi açıqlamada Almaniyanın rifah səviyyəsinin hazırkı iqtisadi istehsalla qarşılana bilməyəcəyini və sosial təminat sistemində islahatlar üzərində çalışdıqlarını bildirib.
aia.az
Tərcümə şöbəsi
Geri dön