Yunanıstanın müxtəlif bölgələrində meşə yanğınları baş verib
Dünən, 21:14. Yazar: sevinc1
Yunanıstanda güclü külək və yüksək temperatur səbəbindən Peloponnes yarımadasından Qərbi Yunanıstana qədər bir çox bölgədə meşə yanğınları baş verib.
Yunanıstan mətbuatında çıxan xəbərlərə görə, paytaxt Afinanı əhatə edən bölgə olan Kallitehnoupolidə meşə yanğınına 105 yanğınsöndürən, 4 piyada heyət, 28 maşın və könüllü qruplar müdaxilə edir.
Yanğın yaşayış məntəqələrinə yaxınlaşır və güclü külək ekipajların işini çətinləşdirir. Təxliyə hazırlığı üçün 112 Təcili Yardım Xətti vasitəsilə vətəndaşlara mesajlar göndərilir.
Salonikinin Volvi bölgəsində baş verən yanğınla əlaqədar Bayioxori kəndi və ərazidəki miqrant sığınacağı üçün təxliyə əmri verilib.
Etoloakarnaniya, Preveze və Kiterada yanğınların davam etdiyi bildirilir.
Yunanıstanın İqlim Böhranı və Mülki Müdafiə Nazirliyinə bağlı Mülki Müdafiə Baş Katibliyinin dərc etdiyi yanğın təhlükəsi xəritəsinə görə Attika, Peloponnes yarımadası, Qərbi Yunanıstan, Epirus, Tesaliya, Mərkəzi Yunanıstan, Mərkəzi İoniya Adaları və Mərkəzi İoniya Adaları da daxil olmaqla bir çox bölgədə yanğın riski "çox yüksək" olaraq təyin olunub.
aia.az
Tərcümə şöbəsi
Geri dön