İsrailin Afinadakı səfiri Katzın Fələstin tərəfdarlarına qarşı müdaxilə çağırışı Yunan müxalifətinin tənqidinə səbəb olub
Bu gün, 09:24. Yazar: sevinc1
İsrailin Afinadakı səfiri Noam Katzın Yunanıstanın paytaxtı Afinadakı bəzi qraffitiləri "antisemit" adlandırması və israilli turistlərin təhlükəsizliyi ilə bağlı açıqlamaları ölkədəki siyasi dairələrin tənqidinə səbəb olub.
Yunanıstanın Kathimerini qəzetinə müsahibə verən Katz, Afina küçələrində Fələstinə dəstək üçün yazılan bəzi şüarları tənqid edərək, israilli turistlər arasında təhlükəsizliklə bağlı narahatlıqlarını dilə gətirib. Afina meri Haris Dukasın ardınca müxalifət partiyaları bəyanatlar verib.
Radikal Sol Koalisiyanın (SYRIZA) mətbuat sözçüsü və Afina Bələdiyyə Şurasının üzvü Kostas Zahariadis, X adlı sosial media hesabında Katz-a reaksiya göstərərək, "İsrail səfiri bütün sərhədləri aşdı. Afina və Yunanıstan sülhsevər bütün xalqlar üçün qonaqpərvər ölkələrdir. Biz İsrail hökumətinin etirazçı siyasətlərini dəstəkləyirik. Qəzza."
Yeni Sol Partiya, "İsrail səfiri, şəhərdə Fələstin tərəfdarı etirazlardan narahatlığını ifadə edərək, bələdiyyə hökumətini faktiki olaraq müdaxiləyə dəvət etdi. Bu qəbuledilməzdir" ifadələri ilə bəyanat yayıb.
Bəyanatda Yunanıstan hökumətinin susqunluğunun səfirin bu cür bəyanatlar verməsi üçün zəmin yaratdığı qeyd edilib.
aia.az
Tərcümə şöbəsi
Geri dön