Mərakeşdən İspaniyaya 84 nəfər üzərək gedib
Bu gün, 09:31. Yazar: sevinc1
Ən azı 84 miqrant Mərakeşdən İspaniyanın Şimali Afrika ərazisi olan Seutaya üzməyə cəhd edərkən lentə alınıb. Miqrantların əksəriyyəti Avropa İttifaqı ərazisinə çatsa da, Seuta səlahiyyətliləri Madriddən kömək üçün müraciət edir.
İspaniyanın ictimai yayımı RTVE tərəfindən paylaşılan görüntülərdə 54 uşaq və 30 böyüklərin Seutaya çatmaq üçün sərt dənizlərdə üzdükləri əks olunub. Mülki Qvardiya qrupları bəzi miqrantları qayıqlarla xilas edərkən, əksəriyyəti şəhərə üzərək daxil olub.
“İndependent” qəzetinin yazdığına görə, miqrantlar müvəqqəti yerləşdirmə mərkəzlərinə aparılarkən Seuta administrasiyası miqrasiya təzyiqinə görə mərkəzi hökuməti dəstəkləməyə çağırıb. Seuta regional hökumətindən Juan Rivas, "Bizi tək qoymayın. Bu, dövlət məsələsidir və həll edilməlidir" dedi.
Keçən avqustun 26-da yüzlərlə miqrant dumandan istifadə edərək Seutaya üzməyə cəhd edib. 2021-ci ildə bir oğlanın plastik şüşələrlə Ceutaya keçmək cəhdi diqqət çəkib.
MELILLA VƏ SEUTA: AB-NİN AFRIKADA SƏRHƏD QAPIŞLARI
Seuta Şimali Afrikadakı yeganə İspaniya ərazisi deyil. Melilla ilə birlikdə Avropa Birliyinin Afrikadakı quru sərhəd keçidini təşkil edir. Hər iki şəhərdə təxminən 85.000 insan yaşayır. Üç il əvvəl Melilla sərhəddində hasardan keçməyə çalışan miqrantların izdihamı nəticəsində azı 23 nəfər həlak olmuşdu.
İSPANYANIN İMQRASİYON SİYASƏTİ
Mərakeş vətəndaşları uşaq olmadıqda və ya sığınacaq üçün müraciət etmədikcə tez geri qaytarılır. Digər ölkələrin vətəndaşları müvəqqəti yerləşdirmə mərkəzlərində bir neçə gündən sonra buraxılırlar.
Baş nazir Pedro Sançesin rəhbərlik etdiyi hökumət 2021-ci ildən bəri təxminən 700,000 qeyri-qanuni miqrantlara hüquqi status verib. Bu miqrantlar kənd təsərrüfatı, tikinti, turizm və səhiyyə sahələrində məşğulluq boşluqlarını doldururlar. Bununla belə, ölkənin 10 faizlik işsizlik səviyyəsi və immiqrasiya siyasəti bəzilərinin tənqidinə səbəb olub.
aia.az
Tərcümə şöbəsi
Geri dön