Ermənistana sığınan Şahin Mirzəyevdən - Açıqlama
14-02-2017, 08:46. Yazar: Sevinc
Ermənistandan "müvəqqəti sığınacaq" alan Şahin Mirzəyev sosial şəbəkə vasitəsi ilə onu bu əməlinə görə qınayanlara, təhqir edənlərə cavab verib.
"AIA.AZ" musavat.com-a istinadən xəbər verir ki, rus dilində yaydığı açıqlamada xain Şahin Mirzəyev bildirib (təxmini məzmun):
"Çox fikirləşdim ki, bizim yarımağıllılara cavab verim, ya yox. Axırda bu nəticəyə gəldim ki, yox, bir cüt söz demək lazımdır. Kimlər ki məni söyürlər, məni təhqir edirlər, ey siz çaqqallar, harada idiniz mən müraciət edəndə? Mən ictimai dəstək axtaranda? Kimin "arxasında" gizlənmişdiniz? Yadınızda qalsın ki, əsl talış sərhəd tanımır. Mən şəxsən tanımaq istəmirəm o talışları ki, özlərini elə aparırlar ki, guya pantürkistlərin zəncirindədirlər. Onların yanında durub mənim ünvanıma hürürlər. Ermənistan və ermənilər heç vaxt talışlarla düşmən olmayıb və heç nə üstündə vuruşmurlar. Talışların ermənilərlə sərhəddi yoxdur. Və bizim də onlarla böləcək heç nəyimiz yoxdur".
Qeyd edək ki , Şahin Mirzəyevin yaxınları, doğmaları, valideynləri onun bu hərəkətini kəskin şəkildə qınayırlar.
Geri dön