Almaniya Ukrayna üçün ABŞ-ın Patriot sistemlərini almağı düşünür
Dünən, 22:05. Yazar: sevinc1
ABŞ prezidenti Donald Trampın Ukraynaya bəzi döyüş sursatlarının, o cümlədən hava hücumundan müdafiə sistemlərinin tədarükünü dayandırmasından sonra Almaniyanın “Patriot” hava hücumundan müdafiə sistemlərinin alınması və Kiyevə çatdırılması üçün Vaşinqtonla danışıqlar apardığı bildirilir.
Alman mətbuatında yer alan xəbərlərə görə, Almaniya hökuməti ABŞ prezidenti Donald Trampın Ukraynaya hava hücumundan müdafiə sistemləri də daxil olmaqla bəzi sursat daşınmasını dayandırmasından sonra işə başlayıb. ALMANİYANIN UKRAYNA ÜÇÜN PATRIOT TƏŞƏBBÜSÜ Alman administrasiyası ABŞ-a 2 Patriot hava hücumundan müdafiə sistemi almaq və onları Ukraynaya çatdırmaq təklifi ilə çıxış edib. Təklif ABŞ-ın müdafiə naziri Pit Heqsetin təsdiqini gözləyir.
“Bir neçə variantdan YALNIZ BİRİ” Federal Mətbuat Mərkəzindən verilən açıqlamada Almaniya hökumətinin sözçüsü Stefan Kornelius mövzu ilə bağlı danışıqların davam etdiyini təsdiqləyib və bunun Ukraynanın hərbi ehtiyaclarını ödəmək üçün qiymətləndirilən bir neçə variantdan yalnız biri olduğunu vurğulayıb. Məsələ ilə bağlı suala Kornelius, "Bu Patriot boşluğunu aradan qaldırmağın müxtəlif yolları var. Təsdiq edə bilərəm ki, bu mövzuda həqiqətən də dərin müzakirələr var." "MÜDAFİƏ NAZİRİ VAŞİNQTONA GƏDƏCƏK"Müdafiə Nazirliyinin sözçüsü Mitko Müller ABŞ və onun müttəfiqləri ilə Ukraynanın müdafiə qabiliyyətini və hava qüvvələrini necə gücləndirmək barədə danışıqlar aparıldığını bildirib. Nazir Boris Pistorius iyulun ortalarında Vaşinqtona səfər edəcək və həmkarı ilə bu məsələləri müzakirə edəcək.
aia.az
Tərcümə şöbəsi
Geri dön